Yük maşını hasara çırpıldı: sürücü yaralanıb - Abşeronda

Abşeron rayonunun Digah qəsəbəsində “Kamaz” markalı yük avtomobili hasara çırpılıb. Avtosfer.az xəbər verir ki, bu barədə məlumat FHN-in Böhran Vəziyyətlərində İdarəetmə Mərkəzinə daxil olub. Hadisə yerinə cəlb olunmuş Xüsusi Riskli Xilasetmə Xidmətinin müvafiq xilasetmə qüvvələri yük avtomobilində sıxılmış vəziyyətdə qalmış sürücünü deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər.