Yük maşını qəza törətdi: xəsarət alan var - Cəlilabdda

Cəlilabad rayonunda 1 nəfərin xəsarət alması ilə nəticələnən yol qəzası baş verib. Avtosfer.az-ın "Report"a istinadən məlumatına görə, hadisə yeni Ələt-Astara avtomobil yolunun rayon ərazisindən keçən hissəsində qeydə alınıb.  Belə ki, hərəkətdə olan "QAZel" markalı yük avtomobili idarəetmədən çıxaraq yol kənarında dayanmış "VAZ-2107" markalı minik avtomobilinə çırpılıb. Qəza nəticəsində minik avtomobilinin sürücüsü Lənkəran rayon sakini, 1977-ci il təvəllüdlü Qurban Akif oğlu Məmmədov müxtəlif bədən xəsarətləri alaraq xəstəxanaya yerləşdirilib. Faktla bağlı Dövlət Yol Polisi İdarəsinin əməkdaşları tərəfindən araşdırmalara başlanılıb.