Zambiyada gəmi qəzası: Azı 13 nəfər həlak oldu

Zambiyada çayda baş verən gəmi qəzası nəticəsində ən azı 13 nəfər boğulub, 6 nəfər isə xilas edilib.

Avtosfer.az xəbər verir ki, bu barədə "Sinxua" agentliyi məlumat yayıb.

İlkin məlumata görə, hadisə ölkənin şimalında Luapula əyalətində baş verib. Luena çayında güclü axın səbəbi ilə gəmi aşıb.

Qəzaya uğrayan gəmidə Kavambva rayonundakı şəkər qamışı plantasiyasında işləmək üçün gedən kənd təsərrüfatı işçiləri olublar.

Hadisə yerində axtarış-xilasetmə işləri davam edir.