AYNA bu küçədə səkini genişləndirib parkinqi nizamladı – VİDEO

Paytaxtın mərkəzində, Koroğlu Rəhimov küçəsində aparılan abadlıq işləri diqqət çəkib. 

Avtosfer.az xəbər verir ki, Prezident iqamətgahına gedən yolun üzərində yerləşən ərazidə səkilərin genişləndirilməsinə başlanılıb.

Məlumata görə, səkilərin eni təxminən 2,5 metrə qədər artırılıb. Bununla yanaşı, səkinin sonunda yerləşən avtodayanacaq hissəsində təhlükəsizlik məqsədilə ayrıca adacıqlar da salınıb. Azərbaycan Yerüstü Nəqliyyat Agentliyi (AYNA) tərəfindən Koroğlu Rəhimov küçəsində başladılan dəyişikliklərin məqsədi həm piyadaların hərəkətinin təhlükəsizliyini artırmaq, həm də nəqliyyat axınını tənzimləməkdir.

Yeni səkilərin salınması ilə ərazidə piyadalar üçün daha rahat və geniş hərəkət zolağı yaranıb. Həmçinin, avtomobillərin dayanma sahələri də daha səliqəli formada təşkil olunub.

Hazırda ərazidə abadlıq və tikinti işləri davam edir.

Eltac Zülfüqaroğlu