Babək prospektində tıxaca çarə tapıldı - VİDEO

Yeni salınan və uzunluğu 1310 metr olan yolda asfaltlanma işi yekunlaşıb, işıq dirəkləri və bordürlər qoyulub. Əraziyə cəlb edilən çoxlu sayda işçi və texnika vasitəsi ilə son tamamlama işləri aparılır. Görüntülər bir neçə aydır tikintisi aparılan Kənar Dairəvi yolla Şərifzadə küçəsini birləşdirən yeni yoldandır. Bu yolun çəkilməsi ilə paytaxta giriş və çıxış rahatlaşacaq. Artıq yeni yolda salınan 180 metr uzunluğundakı üstü açıq tunel tam hazırdır, indiki vəziyyətdə onun kənarında abadlıq işləri aparılır.

Paytaxdakı sıxılığı azaltmaq üçün bir digər addım isə Babək prospektində atılıb. Prospektin yenidən qurulması çərçivəsində burada üzü şəhər istiqamətində hərəkət edən sürücülərin Bəkir Çobanzadə küçəsinə keçidini təmin etmək üçün yeni yol salınıb.

Qeyd edək ki, hazırda bu yoldan isitifadə edən sürücülər də kifayət qədər çoxdur.