Bakı və Çelyabinsk arasında birbaşa reys açıla bilər

Rusiya Hava Nəqliyyatı Federal Agentliyi "İrAero" şirkətinə Azərbaycana uçuşlar həyata keçirmək icazəsi verib.

Avtosfer.az Trend-ə istinadən xəbər verir ki, bu barədə qurumun Beynəlxalq daşımalara icazə üzrə qurumlararası komissiyasının protokolunda qeyd olunub.

Protokolda qeyd olunur ki, "İrAero" həftədə iki dəfə olaraq Çelyabinsk-Bakı marşrutu ilə müntəzəm reyslər həyata keçirə bilər.

Qeyd edək ki, mənzil-qərargahı İrkutskda yerləşən şirkət hazırda Krasnoyarskdan Bakıya uçuşlar keçirir.