Laçın dağlarında böyük yol tikintisi – Görüntülər YAYILDI – VİDEO

Laçın dağlarının ətəklərində genişmiqyaslı yol infrastrukturu layihələri həyata keçirilir. Bölgədə həm yeni yollar salınır, həm də mövcud ikizolaqlı yolların genişləndirilərək dördzolaqlı hala gətirilməsi istiqamətində işlər aparılır.

Avtosfer.az xəbər verir ki, nəqliyyat eksperti Elməddin Muradlı sosial şəbəkə hesabında Qarabağ və Şərqi Zəngəzurda həyata keçirilən yol layihələri ilə bağlı görüntülər paylaşıb.

Ekspert bildirib ki, Laçın–Şuşa–Xankəndi yolunda məsafənin qısaldılması və hərəkətin təhlükəsizliyinin artırılması məqsədilə tunellərin inşası da həyata keçirilir.

Azərbaycanın həyata keçirdiyi nəqliyyat-logistika siyasətinin strateji əhəmiyyət daşıdığını və bu layihələrin ölkənin gələcək inkişafına mühüm təsir göstərəcəyini vurğulayıb.

Elməddin Muradlı qeyd edib ki, Qarabağ və Şərqi Zəngəzurda icra olunan yol layihələri ilə bağlı gələcəkdə daha geniş məlumatlar paylaşacaq.

Eltac Zülfüqaroğlu