Mayda Atıraudan Bakıya birbaşa reys açılacaq

Qazaxıstanın “Air Astana” aviaşirkəti mayın 31-dən Atırau – Bakı – Atırau marşrutu üzrə birbaşa uçuşlara başlayır.

Avtosfer.az xəbər verir ki, bu barədə “Report” Qazaxıstanın Nəqliyyat Nazirliyinə istinadən xəbər verir.

"Air Astana” cari ildə bir sıra yeni beynəlxalq aviamarşrut açmağı planlaşdırır. Bunların arasında Atırau - Bakı - Atırau reysi də var", - məlumatda qeyd olunub.

Uçuşlar həftədə üç dəfə - bazar ertəsi, çərşənbə və şənbə günləri “Airbus A320” təyyarələri ilə həyata keçiriləcək. Uçuş müddəti 1 saat 25 dəqiqə təşkil edəcək.