Sifariş verilən vaqonların sürət həddi 177 km/saata çatdırılıb - FOTO

“Azərbaycan Dəmir Yolları” QSC Bakı-Tbilisi-Qars (BTQ) dəmir yolu xətti ilə sərnişin daşımalarında istifadə olunacaq və İsveçrənin “STADLER Rail Group” şirkətinin istehsal etdiyi yeni yataq tipli vaqonları gələn ilin I rübündə ölkəyə gətirməyə hazırlaşır. Avtosfer.az quruma istinadən xəbər verir ki, hazırda vaqonlar Almaniyanın Donauvörth və Treuchtlingen dəmir yolu stansiyaları arasında, 35 km məsafədə bütün parametrlər üzrə sınaqdan keçirilir.  Sınaq zamanı vaqonların sürət həddi 177 km/saata çatdırılıb. Test yürüşləri hər iki tərəfin nümayəndə heyətlərinin birgə iştirakı ilə həyata keçirilir.