Sürücülərə şad xəbər: Cəbrayılda yeni dairə və yanacaqdoldurma məntəqəsi hazırdır - VİDEO

Qarabağın işğaldan azad edilən ərazilərində bərpa və yenidənqurma işləri sürətli şəkildə davam edir. Həyata keçirilən bu proses çərçivəsində təkcə yaşayış evləri deyil, həmçinin iqtisadi və sosial infrastruktur obyektləri də inşa olunur.

Avtosfer.az xəbər verir ki, bu çərçivədə Cəbrayıl rayonu ərazisində də əhəmiyyətli addımlar atılır. Sakinlərin və əraziyə səfər edənlərin rahatlığının təmin edilməsi məqsədilə zəruri olan obyektlər inşa edilərək istifadəyə verilir. Əvvəllər Cəbrayıl rayonu istiqamətində heç bir yanacaqdoldurma məntəqəsi mövcud deyildi ki, bu da sürücülər üçün ciddi çətinliklər yaradırdı.

Bu ehtiyac nəzərə alınaraq Soltanlı kəndi yaxınlığında "Azpetrol" şirkətinə məxsus müasir tipli yanacaqdoldurma məntəqəsi inşa edilərək istifadəyə verilib.

Fərid