Xaliq Babayev vəzifəsindən azad edildi - YENİ TƏYİNAT - FOTO

“Naxçıvan Muxtar Respublikası Televiziya və Radio Verilişləri” Qapalı Səhmdar Cəmiyyətinin İdarə Heyəti sədrinin müavini Xaliq Yunis oğlu Babayev vəzifəsindən azad edilib.

Avtosfer.az xəbər verir ki, bu barədə Ali Məclisi sədrinin birinci müavini Bəxtiyar Məmmədov sərəncam imzalayıb.

Həmçinin eyni tarixli digər bir sərəncamla isə Vüsal Hicran oğlu Muradov “Naxçıvan Muxtar Respublikası Televiziya və Radio Verilişləri” Qapalı Səhmdar Cəmiyyətinin İdarə Heyəti sədrinin müavini təyin edilib.

“Naxçıvan Muxtar Respublikası Televiziya və Radio Verilişləri” Qapalı Səhmdar Cəmiyyətinin İdarə Heyətinə sədr təyin olunanadək həmin vəzifənin müvəqqəti icrası İdarə Heyəti sədrinin müavini Vüsal Hicran oğlu Muradova həvalə olunub. (Qafqazinfo)