Azərbaycana gətirilən avtomobil və yaxtalara görə vergi artırılır - SİYAHI

Avtobazar 17 Dekabr 2016 01:06

WhatsApp kanalımıza abunə ola bilərsiniz

Bu məsələ Vergi Məcəlləsinə dəyişikliklərdə nəzərdə tutulur

2017-ci ildən Azərbaycanda idxal olunan minik avtomobillərinə, istirahət və ya idman üçün yaxtalara və bu məqsədlər üçün nəzərdə tutulan digər üzən vasitələrə (mühərrikinin həcmi 200 kubsantimetrdən çox olan) görə aksiz dərəcələri artırılacaq.

Bu məsələ bu gün Milli Məclisin plenar iclasında təsdiq edilən Vergi Məcəlləsinə dəyişikliklərdə nəzərdə tutulur.

Beləliklə, 2017-ci ildən Azərbaycana idxal olunan minik avtomobillərinə, istirahət və ya idman üçün yaxtalara və bu məqsədlər üçün nəzərdə tutulan digər üzən vasitələrə aşağıdakı aksiz dərəcələri tətbiq ediləcək:

Vergitutma obyektinin adı	Aksiz dərəcəsi
Minik avtomobilləri:
mühərrikin həcmi 2000 kubsantimetrədək olduqda	Mühərrikin həcminin hər kubsantimetrinə görə – 0,20 manat
mühərrikin həcmi 3000 kubsantimetrədək olduqda	400 manat + mühərrikin həcminin 2001-3000 kubsantimetr hissəsi üçün hər kubsantimetrə görə – 3 manat (bundan əvvəl 1,5 manat)
mühərrikin həcmi 4000 kubsantimetrədək olduqda	3400 manat (bundan əvvəl 1900 manat) + mühərrikin həcminin 3001-4000 kubsantimetr hissəsi üçün hər kubsantimetrə görə – 8 manat (bundan əvvəl 4 manat)
mühərrikin həcmi 5000 kubsantimetrədək olduqda	11 400 manat (bundan əvvəl 5900 manat) + mühərrikin həcminin 4001-5000 kubsantimetr hissəsi üçün hər kubsantimetrə görə – 20 manat (bundan əvvəl 8 manat)
mühərrikin həcmi 5000 kubsantimetrdən çox olduqda	31 400 manat (bundan əvvəl 13900 manat) + mühərrikin həcminin 5000 kubsantimetrdən çox olan hissəsi üçün hər kubsantimetrə görə – 40 manat (bundan əvvəl 10 manat)
İstirahət və ya idman üçün yaxtalar və bu məqsədlər üçün nəzərdə tutulan digər üzən vasitələr	Mühərrikin həcminin hər kubsantimetrinə görə – 6 manat (bundan əvvəl 3 manat)