Devidin avtomobili hərracda rekord qiymətə satıldı - FOTO

Britaniyalı musiqiçi Devid Bouiyə məxsus "Volvo 262C" avtomobili satılıb. Avtosfer.az Ölkə.az-a istinadən xəbər verir ki, İsveçrədə keçirilən hərracda köhnə maşın rekord qiymətə satılıb. Alıcı maşın üçün 212.8 min İsveçrə frankı ödəyib. Bu məbləğ 216 min dollara bərabərdir. Hərracda avtomobil ilkin olaraq 65 min frank dəyərləndirilsə də,  sonradan qiymət 212.8 min franka qədər artıb. Bouiyə məxsus "Volvo" avtomobili 1981-ci ildə istifadə edilib. Musiqiçi 1998-ci ilə qədər avtomobildən istifadə edib. Amma bu müddət ərzində maşının yürüşü cəmi 53 min km olub. Musiqiçi 2016-cı ildə qaraciyər xərçəngindən 69 yaşında vəfat edib.