Dünya nəhənginin 4 milyondan çox avtomobili yararsız çıxdı

ABŞ-ın avtomobil şirkəti “General Motors”(GM) satdığı 4,3 milyon avtomobildə nasazlıq aşkarlandığı üçün geri qaytarır. “Qafqazinfo” Türkiyə mətbuatına istinadən xəbər verir ki, sözügedən maşınların hava yastıqlarında və təhlükəsizlik kəmərlərində problem aşkarlaınb. Bu vaxta qədər problem nəticəsində artıq 1 nəfər ölüb, 3 nəfər isə yaralanıb. 

Nasazlıq 2014-2016 istehsalı “Buick LaCross”, “Chevrolet SS”, Spark EV, 2014-2017 istehsalı “Buick Encore”, “GMC Sierra”, “Chevrolet Corvette”, “Trax”, “Caprice”, “Silverado”, 2015-2017 istehsalı olan “Chevrolet Tahoe”, “Suburban”, “Silverado HD”, “GMC Yukon, “Yukon HL”, “Sierra HD”, “Cadillac Escalade” və “Escalade ESV” modellərində aşkarlanıb.