FHN-in avtomobilləri hərracda 25% daha bahaya satıldı - DETALLAR

İqtisadiyyat Nazirliyi yanında Əmlak Məsələləri Dövlət Xidmətinin keçirdiyi növbəti hərracda avtomobillər özəlləşdirilib. 

Avtosfer.az bu barədə Dövlət Xidmətinə istinadən xəbər verir.

Məlumata görə, hərraclar rəqabətli keçib. Belə ki, hərracda Azərbaycan Respublikasının Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyinə məxsus avtomobillər satışa çıxarılıb. Hərraca çıxarılan 4 ədəd müxtəlif markalı avtomobilin ilkin satış qiyməti 7 200 manat olsa da, sonda bu avtomobillər 9 000 manata satılıb. Bu da hərracda 25%-lik qiymət artımı qeydə alındığını göstərir.

Hərracda satılan dövlət əmlaklarının siyahısı ilə https://clck.ru/3A7csN linki vasitəsilə tanış olmaq olar.