"Honda S 660" modeli təqdim edildi - FOTO

"Honda"-nın yeni modeli təqdim edildi. Avtosfer.az xəbər verir ki, Tokio avtomobil sərgisində "Mugen" şirkəti "Honda S660" modelini təqdim edib. "Mugen" şirkəti "Honda"nın bir qurumudur və əsasən tüninq üzrə ixtisaslaşıb. Şirkətin təmsilçiləri layihənin detalları barədə heç bir məlumat verməyiblər. Tokio sərgisində sadəcə avtomobilin xarici görünüşü nümayiş etdirilib. Xarici görünüşünə görə "S660" modeli orijinal versiyadan çox fərqlənir. Avtomobilin ön hissəsi  "Bugatti Veyron" superkarına bənzəyir. İstehsalçı tərəfindən qəsdən belə bir addımın atılıb-atılmadığı barədə məlumat yoxdur.

Qeyd edək ki, "Honda S660" modeli 3 silindrli, 0.66 litr həcmli turbo mühərriklə təchiz edilib. Aqreqat 64 at gücü hasil edir. Modelin prototipdən seriya istehsalına keçiləcəyi barədə məlumat yoxdur.