«Lada»nın «cip»inin Azərbaycanda satışına başlanır - FOTO

Martın sonu, aprelin əvvəlində Azərbaycanda yeni  «Lada Xray avtomobilinin satışına başlanılacaq. Bunu Rusiyanın "Avtovaz" şirkətinin Azərbaycanda rəsmi idxalçısı “Xəzər-Lada” ASC-dən Texniki direktoru Şəmsəddin Şəmsəddinov bildirib. Əvvəllər bu modelin Azərbaycana May ayında gətiriləcəyi gözlənilirdi. «Mart ayının sonu, aprelin əvvəlində «Lada Xray» modelinin satışına start verə biləcəyimizi gözləyirik”, - o deyib. Şəmsəddin Şəmsəddinov yeni Suv-un Azərbaycan qiyməti barədə dəqiq rəqəm deyə bilməyəcəyini söyləyib. Amma bazar ekspertləri qiymətin 20 min manat civarında olacağını gözləyirlər.

Qeyd edək ki, Fevralın 14-dən Rusiyada "Avtovaz"ın yeni  «Lada Xray» modelinin satışı başlayıb.

«Xray Suv» (krossover) "Avtovaz"ın «Renault Nissan» alyansı ilə əməkdaşlığı çərçivəsində yaradılıb. Avtomobilin baza komplektasiyasında 1,6 litr, 106 at gücündə mühərrik quraşdırılır. Avtomobildə iki ön təhlükəsizlik yastıqları, ESC (ABS daxil) təhlükəsizlik sistemi, təcili xəbərdarlıq sistemi, audiosistem və s. daxildir. XRAY-ın ən ucuz versiyası Rusiyalı alıcıya 589 min rubla (11500 manat) başa gəlir. XRAY-ın ən bahalı versiyası isə 723 min rubldur (14500 manat).

İstehsalçısı 2016-cı ildə 16-25 min ədəd «Lada Xray» satmağı planlaşdırır.

"Marja"nın əldə etdiyi məlumata görə, “Xəzər-Lada” ASC martın sonundan yeni «Vesta» modelinin idxalına başlayacaq. 1,6 litr mühərrik ilə təchiz edilən bu avtomobil sürət qutusu və at gücünə bağlı olaraq 3 versiyada təklif olunacaq. Bu avtomobil qiymətinin daha aşağı olması ilə diqqəti cəlb edir.