"Lamborghini Huracan" satılır: Cəmi 5 dollara - FOTO

"İaai" internet satış portalında superkar "Lamborghini Huracan" satılır. Avtosfer.az "ölkə.az"-a istinadən xəbər verir ki, avtomobil cəmi 5 dollara satılır. 5 dollar ödəyən alıcı ancaq avtomobildən qalan nə varsa, onu əldə edəcək. Məsələ burasındadır ki, satışa çıxarılan avtomobil yanaraq kül olub. Amma satıcı düşünür ki, "Lamborghini Huracan" avtomobilinin yanğından sonra qalan zir-zibilinə alıcı tapılacaq. Qeyd edək ki, "Lamborghini Huracan" modeli 5.2 litr həcmli, V10 obrazlı mühərriklə təchiz edilib. Aqreqat 610 at gücü hasil edir. Avtomobil yerindən 100 km/saat sürəti 3.2 saniyəyə əldə edir. Superkarın maksimal sürəti 325 km/saatdır.