“Mitsubishi” Rusiyadan avtomobillərini geri çağırır

“Mitsubishi” avtomobillərinin Rusiyadakı rəsmi distribüteri 141 min 588 ədəd “Lancer” modelinin geri çağırıldığını açıqlayıb. Avtosfer.az xəbər verir ki, məlumata görə, buna səbəb təhlükəsizlik yastığında yaranan problemlər olub. Geri çağırma 2003-cü ilin iyunundan 2008-ci ilin dekabrınadək istehsal edilən avtomobillərə şamil edilir. Həmin nəqliyyat vasitələrində qabaq sərnişinin təhlükəsizlik yastığının sıxacı dəyişdiriləcək. Bütün təmir işləri avtomobil sahibləri üçün pulsuz həyata keçiriləcək.