Ödənişi vaxtında edə bilməyən vətəndaşların maşınları əlindən alınır

«KİA Optima», «Hyundai Sonata», «Hyundai Accent», «Chevrolet Aveo», «Dodge Durango» və digər model avtomobillər... Avtosfer.az “marja”ya istinadən xəbər verir ki, devalvasiyadan sonra bankların kredit borcunu ödəyə bilməyənlərdən müsadirə etdikləri avtomobillər İnternet üzərindən satışa çıxardılıb. Facebook-da “Bank-Avtomobilləri” adlı səhifə vasitəsilə onlarla avtomobillər satışa qoyulub. Avtomobillər yalnız nağd qiymətə satılır.

Adıçəkilən səhifədən 2012-nin «Accent»-ini 10200 manata, 2011-in «Sonata»-sını 15 200 manata, 2012-nin «Hyundai İX 35-«ni 15500 manata, 2012-nin «Aveo»-sunu 8800 manata, 2012-nin  «Rio»-sunu 9800 manata və s. əldə edə bilərsiniz.

Səhifəyə yaxın günlərdə daha çox sayda avtomobillərin çıxardılacağı bildirilir.