Yeni "Mazda RX-9" 2020-ci ildə istehsal ediləcək - FOTO

Artıq uzun müddətdir ki, Mazda şirkəti tərəfindən yeni RX-9 modelinin istehsal ediləcəyi barədə şayiələr dolaşmaqdadır. Məlumata əsasən, yeni model 2020-ci ildə işıq üzü görəcək və kapotun altına rotor mühərrik yerləşdiriləcək. Avtosfer.az xəbər verir ki, 2012-ci ildə RX-8 modelinin istehsalı dayandırıldı. Yapon şirkəti avtomobilləri rotor mühərriklə təchiz etmə məsələsinə son qoydu. Bununla belə, şirkət bu texnologiyadan tam imtina etməyib. 

Rotor mühərrik 2020-ci ildə yenidən qayıdacaq və bu dəfə RX-9 modelini bəzəyəcək.

Deyilənlərə görə, 1.6 litr həcmli aqreqat 400 at gücü hasil edir. Yeni model həm avtomat, həm də mexaniki sürətlər qutusu ilə təchiz ediləcək. RX-9 modeli xarici görünüş etibarı ilə RX-Vision modelinə bənzəyəcək. 

Bu avtomobil 2015-ci ildə Tokioda keçirilən avtomobil sərgisində nümayiş etdirilib. //ölkə.az/