Almaniya hökuməti elektromobillə bağlı planını dəyişdi

Almaniya hökuməti elektromobil alışının subsidiyalaşdırılması ilə bağlı fikrini dəyişib. 

Avtosfer.az xəbər verir ki, rəsmi Berlin 2023-cü ilin sonunda elektromobil alanlara subsidiya verilməsini dayandırmışdı.

Bundan sonra ölkədə sözügedən texnikanın satışları kəskin azalmışdı.

Avtomobil qışda neçə gün hərəkətsiz qala bilər? - AÇIQLAMA

İndi isə plan dəyişib və 2029-cu ilədək büdcədən bununla bağlı 3 milyard avro ayrılacaq.

Elektromobil və hibrid avtomobil alanlara modeldən və ailə vəziyyətindən asılı olaraq 1 500–6 000 avro (3 000-12 000 AZN) arası subsidiya veriləcək. Layihədə məqsəd aşağı gəlirli ailələr üçün elektromobilin əlçatan edilməsidir.

Layihə müəlliflərinin fikrincə, yeni plan ölkədə elektromobil satışının 17 faiz artmasına səbəb olacaq.

2025-ci ildə ölkədə 545 000 ədəd elektromobil satılıb ki, bu da illik əasda 43 faiz artım deməkdir.

Bununla belə, Almaniya elektromobil və hibrid satışına görə Skandinaviya ölkələrindən geri qalır.

Vüqar Yaşaroğlu