Çin avtomobilləri KASKO sığortanı müflis edir 

Çin istehsalı avtomobil sahibi olan Rusiya vətəndaşları Kasko sığortaya daha çox üz tuturlar.

Avtosfer.az xəbər verir ki, bu barədə Rusiyanın əsas sığorta qurumlarından olan “Rosqosstrax”ın əməkdaşı Aleksandr Borodin məlumat verib. Borodin qeyd edib ki, Çin avtomobili sahiblərinin 35 faizi kasko sığortaya üz tutur. Halbuki, indi rəsmi satışı olmayan Avropa brendlərində sanksiyaya qədər bu rəqəm heç 20 faizə çatmırdı. Belə bir vəziyyət sığorta şirkətlərinin zərərlə işləməsinə səbəb olur. 
 
Çin avtomobili sahiblərinin  daha bahalı sığorta növlərinə üz tutmasının səbəbi məlumdur. Bu avtomobillər qiymət baxımından əlçatan olsa da, əksər modellərin ehtiyat hissələrinin tapılması ciddi problemdir. Bu səbəbdən ruslar əlavə problemlə üzləşməmək üçün daha bahalı sığorta növlərinə üz tuturlar.

Vüqar