Çində 1000 kilometr, Avropada 900: "BYD" batareyasının fərqi

BYD şirkətinin istifadə etdiyi “Blade 2.0” batareyası barədə son günlərdə avtomobil saytları kifayət qədər geniş məlumat verib. Bildirilir ki, bu batareya cəmi 5 dəqiqəyə 60 faiz dolur. 

Avtosfer.az xəbər verir ki, belə sürət 1500 kilovattlıq şəbəkə ilə mümkündür. Çinli istehsalçı həm də elektromobilin bu batareya ilə 1006 kilometr qət etdiyini bildirir. Avropada isə bu göstərici 900 kilometri keçmir. Bəs bu fərq haradan yaranır?

Məsələ burasındadır ki, Avropada avtomobil sınaqları daha sərtdir. Çində elektromobillərin gediş ehtiyatı bir qayda olaraq tıxacların çox olduğu, addımbaşı tormozdan istifadə edilən şəhərlərdə ölçülür. Bu rejim batareyaların rekuperasiya yolu ilə dolmasına şərait yaradır və gediş ehtiyatı süni şəkildə artır. 

Avropada isə testlər həm də avtomagistrallarda həyata keçirilir. Yanacaqla işləyən avtomobillərin magistralda sərfiyyatı azalsa da, elektromobildə artır. Çünki tormozdan az istifadə edildiyi üçün batareya dola bilmir.

Vüqar