Ekspertlər ən etibarlı 10 krossoveri açıqladı - SİYAHI

Bir çox sürücü üçün avtomobil seçərkən ən vacib meyarlardan biri etibarlılıqdır. Heç kim nəqliyyat vasitəsinin tez-tez nasazlıq yaratmasını istəmir. Avtosfer.az "Qaynarinfo"ya istiandən xəbər verir ki, "WhatCar?" nəşrində 2025-ci ildə almağa dəyər ən etibarlı krossoverlər müəyyən edilib. Eyni zamanda, mütəxəssislər uzaq durulmalı olan modelləri də açıqlayıblar.

Ən etibarlı 10 krossover:

1. "Hyundai Santa Fe" (2018–2024-cü illər)

2. "Kia EV3" (2024-cü ildən bu günədək)

3. "Vauxhall/Opel Grandland" (2024-cü ildən bu günədək)

4. "Toyota RAV4 PHEV" (2019-cu ildən bu günədək)

5. "Volkswagen T-Roc" (2018–2025-ci illər)

6. "Porsche Macan" (2014-cü ildən bu günədək)

7. "Kia Niro PHEV" (2022-ci ildən bu günədək)

8. "Toyota RAV4 Hybrid" (2019–2024-cü illər)

9. "Hyundai Kona Hybrid" (2017–2023-cü illər)

10. "Audi Q2" (2016-cı ildən bu günədək)

Etibarlılıq baxımından lider mövqedə dərhal iki model – "Hyundai Santa Fe" və "Kia EV3" qərarlaşıb. Maraqlıdır ki, ikinci model elektrik krossoveridir. Qeyd olunur ki, "Hyundai Santa Fe" və "Kia EV3" modellərində ciddi nasazlıqlar çox nadir hallarda baş verir. Ekspertlərin sözlərinə görə, bu krossoverlər yüksək yığım keyfiyyəti ilə də seçilir. Bundan əlavə, mütəxəssislər benzin mühərrikli ikinci nəsil "Nissan Juke", üçüncü nəsil "Volkswagen Tiguan" və dördüncü nəsil "Kia Sportage" modellərinin alınmasını tövsiyə etmirlər. Onların fikrincə, bu avtomobillərdə tez-tez texniki problemlər yaranır.