"Hyundai Motor" 100 yeni model buraxacaq

Cənubi Koreyanın ən böyük avtomobil istehsalçısı "Hyundai Motor" 2030-cu ilə qədər istehsal gücünü 1,27 milyon ədəd artırmaq və ABŞ-də hibrid avtomobil çeşidini genişləndirmək planlarını açıqlayıb.

Avtosfer.az xəbər verir ki, bu barədə qurum məlumat yayıb.

Şirkət 2030-cu ilə qədər qlobal miqyasda 100-dən çox yeni və ya təkmilləşdirilmiş nəqliyyat vasitəsi satışa çıxarmağı planlaşdırdığını və bunların yarıdan çoxunun Şimali Amerika üçün nəzərdə tutulduğunu açıqlayıb. 

Avtomobil istehsalçısı əməliyyat mənfəətinin 2026-cı ildə 6,3%-dən 7,3%-ə qədər dəyişəcəyini proqnozlaşdırır. 2030-cu ilə qədər bu rəqəmin 9%-i keçəcəyi gözlənilir.

"Hyundai" həmçinin həmin vaxta qədər qlobal satışları 5,55 milyon avtomobilə çatdırmaq məqsədini təsdiqləyib. Elektrikli nəqliyyat vasitələri bunların təxminən 60%-ni təşkil edəcək ki, bu da 2025-ci ildəki 23%-dən çoxdur.

Qeyd edək ki, bu ilin əvvəlindən bəri Hyundai-nin bazar kapitallaşması təxminən 38% artıb./iqtsadiyyat.az