Rusiyada daha bir elektromobil layihəsi iflas etdi – TALAN  

2017-ci ildə Tolyattidə yerləşən Zetta şirkəti layihələndirdiyi elektromobili prezident Vladimir Putinə də göstərmişdi. Layihə bəyənildi və startapçıya 300 milyon rubl (6,3 milyon AZN) vəsait ayrıldı. Qərara alındı ki, ildə 15 min elektromobil istehsal edilsin və onbların əsasa hissəsi xaricə satılsın. İndi isə işlərin yaxşı getmədiyi məlum olub.

Avtosfer.az xəbər verir ki, şirkət bu gün keçirilən məhkəmə iclasında iflasın səbəbini açıqlayıb. Şirkətin vəkili bildirib ki, layihənin icrasına koronavirus pandemiyası və sanksiyalar mane olub. 
Rusiya mediası isə iflasın səbəbini sanksiyalarda deyil, yeyintidə axtarır.
Prokurorluğun ilin əvəvlində keçirdiyi yoxlama zamanı məlum olub ki, subsidiya çərçivəsində görülməli işlərin cəmi 21 faizi icra edilib. Digər  işlərin görülməsi üçün lazım olan vəsait sadəcə olaraq talanıb. 

Bizcə, burada əlavə sözə ehtiyac yoxdur.

Vüqar