Rusların ilk elektromobilinin qiyməti narazılıq doğurdu

Rusiya istehsalı olan “Atom” elıektromobili üçün sifariş qəbulu başlayıb. 

Avtosfer.az xəbər verir ki, maşının qiyməti 3 980 000 rubldur (təxminən 89 min manat). Sifariş üçün ilk olarq minimum 150 000 rubl (3 400 manat) ödəmək lazımdır.

Elektromobil 204 at gücü mühərrik və 77 kilovatt saatlıq batareya ilə təchiz edilib. İddia olunur ki, bir dolumda 500 kilometr qət etmək mümkündür. Bu göstərici əhali arasında ciddi şübhə yaradır.

Sifariş qəbulu ictimailəşdikdən sonra sosial şəbəkələrdə ciddi müzakirələr başlayıb. Ruslar bu qiyməti baha hesab edirlər. Onların fikrincə, sifariş verib gözləməkdənsə, daha ucuz Çin modellərini almaq məntiqlidir.  

Rəsmi məlumata görə, “Atom”un layihələndirilıməsi 1 milyard dollardan çox vəsait sərf olunub.

Vüqar