DYP reyd keçirdi: 30-dan çox sürücü cərimələnib - VİDEO

Avtoreyd 7 Avqust 2018 13:37 Oxunub 2311
DYP reyd keçirdi: 30-dan çox sürücü cərimələnib - VİDEO
WhatsApp kanalımıza abunə ola bilərsiniz
Bu cür reydlər mütəmadi olaraq davam etdiriləcək

Dövlət Yol Polisinin (DYP) əməkdaşları Ağdam rayonunda reyd keçiriblər. Avtosfer.az-ın "Report"a istinadən verdiyi məlumata görə, Ağdam Rayon Polis Şöbəsinin (RPŞ) DYP bölməsinin əməkdaşları tərəfindən keçirilən reyd minik avtomobilləri və kənd təsərrüfatı texnikalarını idarə edən sürücülərə qarşı təşkil olunub. Rayonun müxtəlif ərazilərində keçirilən reydə Post Paturul Xidmətinin (PPX) əməkdaşları da cəlb ediliblər. Reydin məqsədi yollarda hərəkətin təhlükəsizliyini təmin etmək, qayda pozan sürücüləri aşkar etmək, eləcə də sutkanın qaranlıq vaxtında kənd təsərrüfatı texnikalarının magistral yola çıxmasının qarşısını almaq və sürücülərlə maarifləndirici söhbətlər etmək olub. Agdam RPŞ-nın DYP Bölməsinin rəisi Vasif Məmmədovun verdiyi məlumata görə, reyd zamanı dövlət qeydiyyat nişanı olmayan, yükdaşıma qaydalarını pozan, təhlükəsizlik kəmərindən istifadə etməyən sürücülər müəyyənləşdirilib: "Həmçinin nəqliyyat vasitələrinin sürət həddini aşma, işiqforun qırmızı işığına məhəl qoymayan, ötmə qaydalarının pozulması və digər qayda pozuntuları da aşkarlanıb. Reyd zamanı 30-dan çox sürücü barəsində inzibati protokol tərtib edilib". Reyd zaman qaranlıq vaxtlarda traktorla yola çıxan sürücülərə də rast gəlinib və həmin sürücülərin digər nəqliyyat vasitələrinə təhlükə yaratmasının qarşısını almaq məqsədi ilə texnikalar YPX əməkdaşlarının müşayiəti ilə gedəcəyi ünvana çatdırılıb. Qeyd edək ki, rayonda bu cür reydlər mütəmadi olaraq davam etdiriləcək.

ŞƏRH YAZ
Ad

E-mail

Şərh