Sərxoş sürücü və qız yol polisindən belə qaçdı - VİDEO
Avtoreyd 6 İyun 2018 01:41 Oxunub 1985
Sərxoş sürücü və qız yol polisindən belə qaçdı - VİDEO
Avtomobil idarəetmədən çıxaraq bordür və ağaca çırpılıb

Bakıda səhər saatlarında yol qəzası baş verib. Avtosfer.az baku.ws-ə istinadən xəbər verir ki, qəza “Koroğlu” metro stansiyası istiqamətindən Heydər Əliyev Beynəlxalq Aeroportu tərəfə gedən yolda qeydə alınıb. Belə ki, “Toyota Camry” markalı, 90 RL 404 dövlət nömrə nişanlı avtomobil 99 YP 366 nömrə nişanlı DYP maşınından qaçarkən yol qəzası törədib. Oxucu tərəfindən göndərilən videodan “Toyota Camry” markalı avtomobilin yüksək sürətlə "Qara Qarayev" metrostansiyası istiqamətindən yola çıxdığı görünür. Bu zaman kadrda DYP maşını görünür. Daha sonra hər iki avtomobil yüksək sürətlə videoregistrator olan avtomobildən uzaqlaşırlar. Bir müddətdən sonra Bakixanov qəsəbəsi istiqamətdə döngədə avtomobili artıq qəza törətmiş vəziyyətdə görürük. Qəza anı videoregistrator tərəfindən çəkilməsə də, şahidlərin sözlərinə görə, avtomobilə ciddi ziyan dəyib. Asfalt üzərində “tormoz” izləri qalıb. Avtomobil idarəetməni itirərək, bordür və ağaca çırpılıb. Daha sonra maşın dayanıb. Videoda sərxoş olduğu hiss edilən sürücü və sərnişin qızın qəza yerindən uzaqlaşdığı da görünür.

Yol-qəza hadisəsində xəsarət alan olmayıb.

ŞƏRH YAZ
Ad

E-mail

Şərh