"Set-Auto LTD”nin sürücüsü manevr qaydasını bilmir və... - VİDEO

İyunun 3-də paytaxtın Neftçilər prospektində hərəkətdə olan H 028 880 qeydiyyat nişanlı "Toyota" markalı avtomobilin sürücüsü yol hərəkəti qaydasını kobud şəkildə pozaraq digər sürücüyə qəza şəraiti yaradıb. Avtosfer.az xəbər verir ki, "Toyota Land Gruiser” markalı avtomobilı qaydalar çərçivəsində ötmə edən sürücü sol zolağa yerdəyişmə edərkən “Toyota”nın sürücüsü də dönmə işığı yandırmadan qəfil sol zolağa keçib və ötmə edən sürücünü sıxışdıraraq qismən əks istiqamətə çıxarıb. Videodan aydın şəkildə görünür ki, yol döngə olduğuna görə “Toyota”nın sürücüsü düzgün yerləşmə etmədən zolağı kəsərək keçmək istəyib. Qəza şəraitinə düşən sürücü bu barədə rəsmi olaraq DYP-yə müraciət edərək həmin sürücünün məsuliyyətə cəlb olunmasını xahiş edib.

Qeyd edək ki, H 028 880 qeydiyyat nişanlı "Toyota" markalı avtomobil "Set-Auto LTD” MMM-ə məxsusdur.

Təbriz