Ağaca çırpılan avtomobil ikiyə bölündü: Yarısı qarşı zolağa çıxdı - FOTO

Türkiyənin paytaxtı Ankarada ağaca çırpılaraq ikiyə bölünən avtomobilin yarısı qarşı zolağa keçərək digər avtomobilə dəyib.

Avtosfer.az yerli KİV-lərə istinadən xəbər verir ki, hadisə oktyabrın 12-də axşam saatlarında Çankaya rayonunda baş verib.

Belə ki, Dikmen küçəsində “Tofaş” markalı minik avtomobili sürücünün idarəetməsindən çıxaraq ağaca çırpılıb. Zərbənin gücündən avtomobil ikiyə bölünüb, yarı hissəsi qarşı zolaqdan gələn avtomobilə dəyib, digər yarısı isə ağacda ilişib qalıb.

İkiyə bölünən avtomobildə yaralanan 2 nəfər xəstəxanaya çatdırılıblar.

Polis qəza ilə bağlı araşdırma aparır.

Namiq Musayev