Bu küçədə yolayrıcıları parkinqə çevrilib – Sakinlər hər gün eyni mənzərə ilə üzləşir - FOTO

Binəqədi rayonu, Məhəmməd Əmin Rəsulzadə qəsəbəsində dayanma-durma qaydalarını pozan sürücülər sakinlərin narazılığına səbəb olub.

Bu barədə qəsəbə sakinləri Avtosfer.az-ın qaynar xəttinə müraciət edərək məlumat veriblər.

Hadisə avqustun 17-də saat 09:00 radələrində Ənvər Əlixanov küçəsində qeydə alınıb. Fotolardan görünür ki, 10-MZ-101 dövlət nömrə nişanlı və 77-XX-122 dövlət nömrə nişanlı “Toyota” markalı avtomobillərin sürücüləri nəqliyyat vasitələrini nizamlanmayan yolayrıcında saxlayaraq ərazidən uzaqlaşıblar.

Nəticədə yolayrıcında hərəkət çətinləşib, həmçinin ərazidən keçən piyadalar üçün təhlükəli vəziyyət yaranıb.

Sakinlərin sözlərinə görə, küçədə bu cür hallara demək olar ki, hər gün rast gəlinir. Onlar bildiriblər ki, qayda pozan sürücülərə dəfələrlə xəbərdarlıq edilməsinə baxmayaraq, problem təkrarlanmaqda davam edir.

Nərmin