Bakının daha bir “xam sürücüsü” görün nə etdi - FOTO

Bakıda daha bir “xam sürücü” peyda olub. Avtosfer.az xəbər verir ki, həmin sürücü bu gün Yasamal rayonu, Yeni Yasamal yaşayış massivi, Əsəd Əhmədov küçəsində yerləşən yeraltı dayanacaqda digər sürücülərə qarşı hörmətsizlik edib. Jurnalist Mahir Məmmədlinin paylaşdığı fotodan da aydın olur ki, “Changan” markalı, 99 AR 479 dövlət nömrə nişanlı avtomobilin sürücüsü maşın düz qarajın giriş qapısında park edərək yolu kəsib. Onun bu əməli nəticəsində onlarla sürücü bir neçə dəqiqə qaraıdan çıxa bilməyib.

Qeyd edək ki, bu əməli ilə sürücü dayanma-durma qaydalarını pozub və cərimə oluna bilər.

***

Bir qədər əvvəl həmin sürücü Avtosfer.az saytı əlaqə saxlayıb və bildirib ki, burada maşın saxlamağın qadağan edildiyindən xəbərsiz olub: "Orada hər gün maşın saxlayırlar. Mən elə bilirdim ki, aşağıdakı qarajda maşın saxlayan olmur. Gecə saat 2-də evə gəldim, gördüm, yer boşdur, saxladım. Bilirəm, qayda pozmuşam, amma bunu bilərəkdən etməmişəm".

Elmin