Bu ölkədə benzin mühərrikli avtomobil demək olar alınmır - FOTO

Norveçdə elektromobil sahəsində daha bir rekorda imza atılıb.

Avtosfer.az  xəbər verir ki, bu barədə “CleanTechnica” saytı məlumat yayıb
Krallıqda sentyabr ayında satılan təzə maşınların 98,3 faizi elektromobil olub. Doldurulabilən hibridlərin bazar payı 0,6 faiz, adi hibridlərinki isə 0,2 faiz olub. 
Ənənəvi avtomobillərə gəlincə: norveçlilərin cəmi 0,7 faizi Dizel mühərrikli  minik avtomobili seçib. Benzin mühərrikli maşınların satışı isə tarixi minimuma enib – cəmi 0,2 faiz. Hesabat dövründə ölkədə ümumilikdə 14 329 təzə maşın satılıb.
Ən çox satılan elektromobillərə gəlincə: 
1. Tesla Model Y — 4123 ədəd.
2. Tesla Model 3 — 695 ədəd.
3. Volvo EX30 — 543 ədəd.
4. VW ID.Buzz — 536 ədəd.
5. Skoda Elroq — 411 ədəd.
Maraqlıdır ki, ən çox satılan 20 elektromobil siyahısında heç bir Çin avtomobili yer almır.

Vüqar