İt vuran sürücü həbs edildi - FOTO

Qarşısına çıxan itin üzərindən yük avtomobili ilə qəsdən keçib, öldürən sürücünün həbs olunması barədə qərar çıxarılıb. Avtosfer.az milli.az-a istinadən bildirir ki, yolu keçmək istəyən Spillo adlı ev itini öldürən sürücü 6 ay müddətinə azadlıqdan məhrum edilib. İtin vurulma anı təhlükəsizlik kamerasına düşüb. Ağır yaralanan it sahibinin qollarında can verib. Hadisə İtaliyanın San Severo şəhərində baş verib. Sürücünün adı açıqlanmayıb. Onun həbs olunmasında heyvanları müdafiə təşkilatının böyük rolu olub. Onlar canlıya qarşı belə vəhşiliyin edilməsini kəskin şəkildə qınayıb, sürücünün həbsini tələb ediblər.