İti vurmamaq üçün manevr edən sürücü ağır qəza törətdi: 3 nəfər öldü - FOTO

İti vurmamaq üçün manevr edən sürücü ağır yol qəzası törədib. Avtosfer.az xəbər verir ki, faciəvi hadisə Türkiyənin Balıqəsir şəhərində baş verib.

Məlumata görə, Həsən Özqaya idarə etdiyi “Tofaş” markalı minik avtomobili ilə hərəkətdə olarkən qarşısına anidən it çıxıb. O, heyvanı vurmamaq üçün kəskin manevr edib və idarəetmədən çıxan nəqliyyat vasitəsi səkinin üzərindən keçərək əks yolda hərəkətdə olan Veysəl Başakın idarə etdiyi yük maşını ilə toqquşub.

Zərbənin şiddətindən “Tofaş”ın ön hissəsi yarıya qədər yük maşınının altına hərəkət edərək deformasiyaya uğrayıb. 

Nəticədə “Tofaş”ın sürücüsü, sərnişini Əli Yıldız  və Nazifə Nehir Ağyaya hadisə yerində ölüblər. Digər sərnişin Fatma Sıla Ecerel isə ağır vəziyyətdə xəstəxanaya yerləşdirilib.

Faktla bağlı araşdırma aparılır.

Namiq Musayev