Yol polisləri uşaqların suallarını cavablandırdı - FOTO
Avtosfer Foto 3 Mart 2017 16:47 Oxunub 861
Yol polisləri uşaqların suallarını cavablandırdı - FOTO
Yol hərəkəti qaydaları həyatımızın sığortasıdır

Bu gün 46 saylı Məktəbdənkənar Tərbiyə İşi Mərkəzi və 83 nömrəli orta məktəbin təşkilatçılığı ilə “Yol hərəkəti qaydaları həyatımızın sığortasıdır” mövzusunda ədəbi-bədii kompozisiya keçirilib. 200-dən çox uşağı əhatə edən tədbirdə Bakı Şəhər Dövlət Yol Polisi İdarəsinin bölmə rəisi, polis polkovniki Vaqif Əsədov, polis leytenantı Vüsal Nağıyev, 83 saylı məktəbin direktoru Nəbi Mahmudov, müəllimlər və valideynlər iştirak edib. Tədbirdə uşaqların mövzuya uyğun çəkdikləri rəsmlər, divar qəzetləri, əl işləri sərgilənib. Daha yaxşı işlər polis əməkdaşları və müəllimlər tərəfindən qiymətləndirilib.

Tədbirdə uşaqlar yol hərəkəti qaydalarına həsr olunmuş səhnəciklər göstərib, şeirlər söyləyib, mahnılar oxuyub və yol təhlükəsizliyinə aid slaydlar nümayiş etdiriblər. DYP əməkdaşları uşaqların suallarına cavab verib, onları yol hərəkəti qaydalarına düzgün əməl etməyə çağırıb. Fərqlənən uşaqlara yol hərəkəti qaydalarına aid əyani vəsaitlər paylanılıb, diplomlar verildi. 

Tədbirin bütün iştirakçılarına “Azərsun Holdinq”-in müxtəlif hədiyyələri verilib.

 

Emin

FOTO QALEREYA
ŞƏRH YAZ
Ad

E-mail

Şərh