Yük avtomobilinin gəlin maşınının üstünə aşdığı qəzanın görüntüləri yayılıb - VİDEO

Ötən gün Bakıda yük avtomobilinin gəlin maşını üzərinə aşması ilə nəticələnən qəzanın görüntüləri yayılıb. Avtosfer.az-ın "Report"a istinadən xəbərinə görə, yol-nəqliyyat hadisəsi Sabunçu rayonunda qeydə alınıb. Zabrat qəsəbəsində 90-OA-084 dövlət qeydiyyat nişanlı "Mercedes" markalı avtomobil bəy və gəlini toy mərasiminin keçirildiyi şadlıq evinə apararkən qəzaya uğrayıb. "90-JS-731" dövlət qeydiyyat nişanlı "Hyundai" markalı kiçik tutumlu yük maşını dönmə əməliyyatını yerinə yetirərkən "Mercedes" markalı avtomobilin üzərinə aşıb. Avtomobillərdə olanlardan heç biri xəsarət almayıb. Ancaq "Mercedes" markalı avtomobilə ciddi ziyan dəyib.

Hadisə ilə bağlı əraziyə Yol Patrul Xidmətinin əməkdaşları cəlb edilib.