Hövsanda motosiklet sürücüsündən “ölüm şousu”: Az qala yük maşınına çırpılacaqdı - VİDEO

Paytaxtın Suraxanı rayonu, Hövsan qəsəbəsində yol hərəkəti qaydalarını kobud şəkildə pozan motosiklet sürücüsü dostu tərəfindən videoya çəkilib.

Avtosfer.az-ın məlumatına görə, görüntülər bir neçə gün əvvəl “TikTok” sosial platformasında paylaşılıb.

Belə ki, motosikletlə “şou” göstərmək istəyən sürücü qarşısında hərəkətdə olan 77-ZE-835 dövlət nömrə nişanlı “Mercedes” markalı yük avtomobilini ötmək üçün qəfil əks istiqamətli yola çıxıb. Bu zaman o, yük avtomobilinə çırpılmaqdan son anda yayınır.

Daha sonra əks yola çıxan sürücü bu zaman da qarşıdan gələn avtomobilə qəza şəraiti yaradır. Ardınca isə o, yenidən öz hərəkət zolağına qayıdıb.

Görüntülərdə motosiklet sürücüsünün nəqliyyat vasitəsini dövlət qeydiyyat nişanı olmadan idarə etdiyi, üstəlik, bu hərəkətlər zamanı dəbilqədən istifadə etmədiyi də görünür.

Nərmin