İçkili sürücü qadının idarə etdiyi avtomobili qəzaya saldı - VİDEO

Türkiyənin Aydın vilayətinin Didim rayonunda baş verən ağır yol-nəqliyyat hadisəsi izləyənləri dəhşətə gətirib. 

Avtosfer.az xəbər verir ki, 240 promil spirtli içki qəbul etmiş sürücünün idarə etdiyi avtomobil, qarşıdan gələn nəqliyyat vasitəsinə çırpılıb. Güclü toqquşmadan sonra zərərçəkmiş avtomobil idarəetməni itirərək yoldan çıxıb və beton dirəyə çırpılıb.

Hadisə nəticəsində avtomobilin ön sərnişin yerində əyləşən gənc qadının onurğa sütunu və qabırğaları qırılıb. Yaralı qadın iflic qalma riski ilə təcili olaraq xəstəxanaya yerləşdirilib və reanimasiya şöbəsində müalicə altındadır. Həkimlər vəziyyətini kritik olaraq qiymətləndirirlər.

Avtomobildə olan digər sərnişin isə qəza zamanı daha ağır xəsarət alıb. Onun boynunun iki yerdən sındığı, həyati təhlükəsinin davam etdiyi bildirilir. Hazırda o da xəstəxanada müalicə olunur və vəziyyəti nəzarətdə saxlanılır.

Polis hadisə ilə bağlı araşdırmaya başlayıb. Qəzanın başlıca səbəbi kimi sürücünün yüksək dozada alkoqol qəbul etməsi göstərilir. Rəsmi məlumata görə, 240 promil səviyyəsində alkoqollu vəziyyətdə sükan arxasına keçən sürücü hadisə yerində saxlanılıb və barəsində cinayət işi açılıb.

İçkili sürüccü qəzaya səbəb olduqdan sonra hadisə yerindən uzaqlaşmağı bacarıb. Xəsarət alan xanıma isə ərazidən keçən vətəndaşlar kömək edib.

Eltac Zülfüqaroğlu