Keçiddən keçməyən 72 yaşlı qadını maşın vurub öldürdü - VİDEO

Krasnodar diyarının Yeysk şəhərində ölümlə nəticələnən ağır yol-nəqliyyat hadisəsi baş verib. Avtosfer.az xəbər verir ki, qəza Armavir küçəsində qeydə alınıb. "VAZ-2106" markalı nəqliyyat vasitəsinin sürücüsü hərəkətdə olarkən yolu müəyyən olunmamış hissədən keçməyə cəhd edən 72 yaşlı qadını vurub. Nəticədə ağır xəsarətlər alan təqaüdçü hadisə yerinə çağırılan təcili tibbi yardım maşını ilə xəstəxanaya aparılarkən yolda dünyasını dəyişib.

Hazırda faktla bağlı hüquq-mühafizə orqanları tərəfindən araşdırma aparılır, hadisənin təfərrüatları dəqiqləşdirilir.

Namiq Musayev