Qadın sərnişin 3 manata görə özünü “Uber” taksidən atdı - VİDEO

Qadın sərnişin 3 manata görə özünü taksidən yola atıb. Avtosfer.az xəbər verir ki, Braziliyanın San-Paulu şəhərində baş verən hadisənin görüntüləri təhlükəsizlik kamerası tərəfindən qeydə alınıb.

Belə ki, “Uber”dən 1,9 dollara (3,23 manat) taksi sifariş verən qadın sərnişin avtomobilə mindikdən sonra ilk öncə verdiyi ünvanı dəyişdirərək başqa ünvana gedəcəyini və ardınca da pulunun olmadığını sürücüyə bildirib. Sürücü isə qadına onu polisə verəcəyini deyib. Bir müddət sonra qadın özünü hərəkətdə olan avtomobildən atıb. Yüngül xəsarətlər alan sərnişin hadisə yerindən uzaqlaşıb. Polisə gedən sürücü qadından şikayətçi olub.

Yerli KİV-in məlumatına görə, günün sonunda qadın sərnişin köçürmə yolu ilə sürücünün pulunu ödəyib.

Sözügedən hadisənin görüntülərini təqdim edirik:

Namiq Musayev