Qısqanc qadın ərini qardaşlarına döydürdü - VİDEO

Qısqanc həyat yoldaşı ərini döydürüb. Avtosfer.az xəbər verir ki, hadisə Rusiyanın paytaxtı Moskvada baş verib.

Məlumata görə, paytaxt sakini olan qadın, bir neçə gün evinə gəlməyən ərini cəzalandırmaq məqsədilə qardaşlarını bu işə cəlb edib. 38 yaşlı Yan adlı şəxs sevgilisi ilə birlikdə sərnişin kimi taksi ilə hərəkətdə olarkən "Mercedes" markalı avtomobil tərəfindən yolu kəsilib.

Bu şəxslər insan alverinə görə axtarılır - SİYAHI - FOTOLAR

Nəqliyyat vasitəsindən düşən iki nəfər zərərçəkmişi zorla maşından düşürərək ona fiziki xəsarətlər yetirməyə başlayıblar. Hadisə zamanı Yanın yanındakı qadın qorxaraq ərazidən uzaqlaşıb. Hücum edən şəxslər daha sonra yaralı halda olan kişini öz avtomobillərinə mindirərək naməlum istiqamətə aparıblar.

Daha sonra taksi sürücüsü hadisə ilə bağlı polisə müraciət edib. Polis əməkdaşları kişini axtarmağa başlayıblar və onu Balaşixada tapıblar.

İlkin araşdırmalar nəticəsində məlum olub ki, cinayətin sifarişçisi zərərçəkmişin rəsmi nikahda olduğu həyat yoldaşıdır. Qadın ifadəsində ərinin bir neçə gün əvvəl evi tərk etdiyini və ondan xəbər ala bilmədiyini bildirib. Hiddətlənən qadın qardaşlarına müraciət edərək ərinin tapılmasını və ona "dərs verilməsini" xahiş edib.

Hazırda faktla bağlı hüquq-mühafizə orqanları tərəfindən təhqiqat davam etdirilir. Hadisə iştirakçılarının əməlinə hüquqi qiymət veriləcək.

Namiq Musayev