“UAZ” yük maşını ilə toqquşdu: 5 ölü, 3 yaralı – QƏZA GÖRÜNTÜLƏRİ

Rusiyanın Krasnoyarsk bölgəsində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə sentyabrın 17-də Norilsk - Alıkel avtomobil yolunda qeydə alınıb. Bu barədə "DİN 24" Telegram kanalı məlumat yayıb.

Bildirilir ki, “UAZ” markalı maşının sürücüsü yolun əks istiqamətinə çıxaraq qarşıdan gələn "Scania" markalı yük maşını ilə toqquşub.

Qəza nəticəsində “UAZ”ın sürücüsü və 4 sərnişini hadisə yerində ölüb, daha 3 nəfər isə müxtəlif dərəcəli bədən xəsarətləri ilə xəstəxanaya yerləşdiriliblər.

Faktla bağlı cinayət işi açılıb, araşdırma aparılır.

Namiq Musayev