"Audi" beşsilindrli mühərriklə vidalaşır

"Audi" şirkəti təxminən yarım əsr tətbiq etdiyi beşsilindrli mühərriklə vidalaşır.

Avtosfer.az xəbər verir ki, bu mühərriklə hazırda RS3 modeli komplektləşdirilir. Sözügedən modelin istehsalı 2027-ci ildə daytandırılacaq. Bu da Avro-7 ekoloji normalarının qüvvəyə minməsi ilə üst-üstə düşür. 

Bununla belə, Audi istehsalın dayandırılmasının ekoloji tələblərlə əlaqələndirilməsinin əsassız olduğu barədə məlumat yayıb. Bildirilir ki, mühərriki yeni ekoloji normalara uyğunlaşdırmaq mümkündür, lakin rentabelsizdir.  2027-ci ildən sonrakı modellər dördsilindrli mühəriklə təchiz ediləcək.

Qeyd edək ki, Audi beşsilindrli mühərriki ilk dəfə 1976-cı ildə 100 C2 modelində tətbiq edib.  Ümumilikdə avtomobil sənayesində beşsilindrli mühərrik geniş yayılmayıb.

Vüqar