"Audi"nin Brüsseldəki zavodu həmişəlik bağlanacaq - FOTO

Belçikanın Brüssel şəhərində "Audi" şirkətinin zavodu fevralın 28-də bağlanacaq.

Avtosfer.az xəbər verir ki, bu barədə "France 24" məlumat yayıb.

Qeyd olunur ki, "Audi"nin Brüsseldəki zavodu istehsalını həmişəlik dayandıracaq və minlərlə işçi işdən çıxarılacaq ki, buna səbəb Avropada avtomobillərin tələbatdan artıq istehsal edilməsi olub.

Brüsseldəki "Audi" zavodunda 3 min işçi işləyirdi. "Audi" brendinin aid olduğu Alman avtomobil istehsalçısı "Volkswagen", uzun illər ərzində tədricən genişləndirilən, lakin yüksək logistika xərclərinə məruz qalan istehsalat sahəsində uzun müddət davam edən struktur problemlərinin olduğunu bildirib.

Qeyd edək ki, son zamanlarda Brüsseldəki zavodda "Audi Q8 e-tron" elektrik krossoveri yığılırdı.

(Oxu.az)