Avropada avtomobil satışları artdı

Avqust ayında Avropa İttifaqının (Aİ) avtomobil bazarında satışlar əvvəlki ilin eyni ayına görə 4,7 faiz artıb.

Avtosfer.az xəbər verir ki, bu barədə Avropa Avtomobil İstehsalçıları Assosiasiyası (ACEA) məlumat yayıb.

Bildirilir ki, avqustda Qərbi Avropada (Aİ, EFTA, Böyük Britaniya) 791 min 349 yeni avtomobil qeydiyyata alınıb. İlin əvvəlindən etibarən isə ötən ilin eyni dövrünə görə 0,4 faiz artımla ümumilikdə 8 milyon 691 min 840 avtomobil satılıb. Cari ilin ilk 8 ayında Aİ-də 1 milyon 132 min 603 elektrik avtomobili qeydiyyata alınıb ki, bu da Avropa bazarının 15,8 faizinə bərabərdir.

“Stellantis” qrupu isə avqustda 106 min 78 avtomobil satıb ki, bu da əvvəlki ilin eyni ayı ilə müqayisədə 2,2 faiz çoxdur. Qrupun bazar payı 13,4 faiz təşkil edib.

Qeyd edək ki, “Stellantis” şirkəti 2021-ci ilin yanvarında Fransanın “PSA” şirkəti və “Fiat-Chrysler” İtaliya-ABŞ birgə müəssisəsinin birləşməsi nəticəsində yaranıb.(azərtac)