Avropalı nazirlər illik texniki baxışa “yox” dedilər

Avropa İttifaqında yaşı onu ötmüş avtomobillərin hər il texniki baxışa cəlb olunması ilə bağlı təklif qəbul edilməyib.

Avtosfer.az xəbər verir ki, Avropa İttifaqına üzv 27 ölkənin nəqliyyat nazirlərinin brüsseldə keçirilən illik iclasında əsas müzakirə mövzusu texniki baxış olub. Avropa Komissiyası bu məsələdə də ümumi qayda tətbiq etmək istəyir. Komissiya yaşı onu ötmüş nəqliyyat vasitələrinin hər il texniki baxışa cəlb olunması ilə bağlı təklif irəli sürüb. 

Lakin təklif qəbul edilməyib. Nazirlər hazırda qüvvədə olan rejimin, yəni hər 2 ildən bir texniki baxışın saxlanmasını istəyiblər. Avropanın əksər ölkələrində avtomobillər istehsal olunduğu vaxtdan 4 və ya 5 il sonra 2 ildə bir dəfə texniki baxışa cəlb edilir.

Nazirlərin qənaətinə görə, hər il texniki baxışın keçirilməsi sürücüləri əlavə xərcə salır.

Vüqar