Avtomobillə bağlı qəribə qadağa – TARİX - FOTO

Özüyeriyən nəqliyyat vasitələrinin ortaya çıxması digər hərəkət iştirakçılarında qorxu yaratmışdı. İndi heç 5 yaşlı uşaq da avtomobildən qorxmur. Lakin 150 il əvvəl avtomobilin səsindən heyvanlar hürkür, insanlar qaçıb gizlənirdilər. 

Avtosfer.az xəbər verir ki, belə bir vəziyyətdə Britaniya parlamenti 1865-ci ildə Qırmızı Bayraq Qanununu (Red Flag Act) qəbul edir. Qanuna görə avtomobil təkbaşına hərəkət edə bilməzdi. Ondan 60 yard (55 metr) irəlidə əlində qırmızı bayraq və fənər tutmuş şəxs addımlamalı idi. Onun vəzifəsi digər hərəkət iştirakçılarını xəbərdar etmək idi. Bununla yanaşı, sürət də məhdudlaşdırılmışdı: şəhərdə 3 km/saat, kənarda 6 km/saat.

Təxminən 30 il qüvvədə olan qanun Britaniyada avtomobil sənayesinin inkişafına ciddi mane oldu. Qanun 1896-cı ildə, axiliyanma mühərrikləri kütləviləçşdikdən sonra ləğv edildi.

Qanunun ləğv edildiyi gün London küçələrində ilk avtomobil yarışı keçirildi. Yarışda malksimal sürət 23 km/saat oldu.

Vüqar